Nanuhol sa ‘impeach GMA’ itinuro

Pinangalanan kaha­pon ni Anakpawis Rep. Crispin Beltran ang taong nagtangkang ma­ nuhol sa kanya para lumagda at maisulong ang impeachment complaint na inihain ni Atty. Roel Pulido laban kay Pangulong Arroyo.

Sa privilege speech ni Rep. Beltran, isini­walat nito na isang Fran­cis Ver, sinasabing de­puty secretary general ng Kabalikat ng Mala­yang Pilipino (Kampi) ang umano’y nag-alok sa kanya ng P2 milyong halaga kapalit ng pag-endorso sa impeachment complaint laban sa Pangulo.

Sinabi ni Beltran, noong Oktubre 5 ng hapon sa loob mismo ng plenaryo ng Kon­ greso ay dalawang beses siyang nilapitan ni Ver at inalok muna siya ng P1 milyon ka­palit ang pag­pirma nito sa reklamo ni Pulido. Nang tanggihan ni Bel­tran ay dinoble umano ito ni Ver at ginawang P2 milyon.

Ayon kay Beltran, hindi niya masikmura na ipagbili ang kanyang pirma para maisulong lamang ang isang pe­keng impeachment com­plaint na magbibi­gay umano ng protek­siyon sa Pangulo.

Naniniwala si Beltran na may basbas ng Pa­lasyo ang naturang hu­wad na reklamo para mailigtas o maiiwas ang Pangulo sa mas matibay at mabigat na impeachment complaint.

Bukod kay Beltran, lima pang kongresista ang sinasasabing ti­nangkang suhulan ni Ver. Ito’y sina Reps. Justin Chipeco, Mujiv Ha­taman, Bem Noel, Rufus Rodriguez at Dan Fer­nandez.

Mariin namang iti­nanggi ni DILG Secretary Ronaldo Puno na mayroong kinalaman ang KAMPI sa ale­gas­yon ni Beltran.

Sinabi ni Sec. Puno sa isang press briefing sa Malacañang, isang opisyal ng KAMPI si Ver subalit walang kinala­man ang partido sa sina­sabing tangkang panu­nuhol nito sa ilang kon­gresista para su­porta­han ang impeachment complaint na isi­nampa ni Atty. Pulido at inen­dorso naman ni Laguna Rep. Edgar San Luis.

“This is something certainly that Kampi does not countenance. I think there will be unanimity in Kampi in distancing itself from him [Ver] and condemning this. Kampi has absolutely nothing to do with this,” wika pa ni Puno, chairman ng KAMPI na itinatag ni Pangulong Arroyo.

Itinanggi naman ni Ver na tinangka niyang suhulan ang nabanggit na mga mambabatas. Gayunman, sinibak na siya sa partido.

Ayon naman kay Pulido, handa naman daw niyang iurong ang reklamo kapag may nag­hain na ng mas malakas na complaint. Itinanggi rin ni Pulido na kilala niya si Ver at huwag din daw siyang ikumpara kay Atty. Oliver Lozano na kilalang nag­hahain ng mahihinang reklamo.