‘Tol Mike, isinakay sa barko ng mga seamen

Nagpugay sa mga marino si Team Unity (TU) senatorial candidate Mike Defensor nang lumagda ito sa isang covenant para sa mga overseas Filipino workers (OFWs) partikular sa mga seamen.

Pinapurihan ni Defensor ang mga seamen na hinahangaan sa buong mundo kung kaya’t makakatagpo ka ng Pilipino sa halos lahat ng barkong naglalayag sa karagatan.

Sa covenant ni Defensor at ng Seaman’s Party, Inc. (SPI) na may 70,000 miyembro, nakasaad dito ang pagkakaloob sa mga seafarers ng edukasyon, pagsasanay, impormasyon, programang pangkabuhayan, serbisyong legal, at iba’t ibang produktibong aktibidad para sa mga ito at kapamilya. (Malou Escudero)