Kaarawan ni Erap pinaghahandaan

Pinaghahandaan na ng kaniyang pamilya at ng Genuine Opposition ang pagdiriwang ng ika – 70 taong kaarawan ni dating Pangulong Joseph ‘Erap’ Estrada sa Abril 19.

Gayunman, sinabi ni GO Deputy Campaign Manager at San Juan Mayor Joseph "JV" Ejercito na hinihintay pa nila ang tugon ng Sandiganbayan sa kanilang mosyon na pahintulutan ang kaniyang ama na makapagdiwang ng kaarawan nito sa piling ng pamilya at mga kaibigan nito sa San Juan.

Si Estrada ay mahigit anim na taon nang nakakulong kaugnay ng kaso nitong plunder at ilan pang counts ng perjury sa Sandiganbayan matapos itong mapatalsik sa posisyon noong Enero 2001. (Joy Cantos)