Kris pinayuhan ng tiyahin

Pinayuhan kahapon ni Team Unity senatorial candidate Tessie Oreta ang pamangkin niyang actress-TV host na si Kris Aquino na magpakatatag sa kinakaharap nitong problema dahil hindi naman ito pababayaan ng Diyos.

Nagpahayag ng kalungkutan si Oreta sa nangyayari sa buhay ni Kris na madalas na tampok ng mga balita dahil sa umano’y babaeng karelasyon ng asawa nitong basketbolistang si James Yap.

Sa isang panayam ng mga reporter sa pagdalo niya sa Panagbenga Flower Festival sa Baguio City, sinabi ni Oreta na, bilang isang babae, ba tid niyang masakit para sa kanyang pamangkin ang malamang nagkaroon ng ibang babae ang kanyang asawa.

Gayunman, pinayuhan ni Oreta si Kris na magpakatatag at ibayo pang manalangin. (Malou Escudero)