Permit to Win bagong modus ng NPA sa eleksiyon

Kung dati ay merong tinatawag na Permit to Campaign na ipinapatupad ang mga rebeldeng komunistang New People’s Army para sa mga kandidato sa halalan na mangangampanya sa kanilang balwarte, ngayon naman ay Permit-to-Win (PTW) ang bagong gimik ng NPA.

Ito ang ibinunyag kahapon sa isang media forum sa Camp Crame ni Deputy Director General Antonio Billones na nagsabing sa PTW, ililigpit ng NPA ang makakalaban ng sinumang kandidato na magbabayad sa kanila ng tamang halaga.

Umiiral umano ito ngayon sa mga lugar na maimpluwensya ang NPA. Ikinakampanya pa ng mga rebelde ang mga tiwaling pulitikong nagbayad sa kanila para sa PTW. (Joy Cantos)