Sa pangunguna ng Alpha Sigma Omega Fraternity-Visayas, Kababayan Riders Association for a New Cultural Harmony and Order (Karancho), ang Cebu chapters ng Philippine Surfing Federation at National Chess Federation of the Philippnes, Cebu Rep. Antonio Cuenco, dating mambabatas Efren Herrera ng 6th district at kilalang negosyante at civic leader Atty. Jose Mari Lozada ng 2nd district, tiniyak nilang si Pichay ay magiging isang asset sa Senado dahil sa karanasan at kaalaman nito sa ekonomiya, kapaligiran, turismo at rural development.
Naniniwala ang mga nabanggit na samahan na plataporma-de-gobyerno ng mambabatas at panukalang programa nito ay pakikinabangan ng maraming sektor upang maagapayan ang pamahalaan sa pagpapa-angat sa buhay ng mamamayang Pilipino.
Sa isang press conference na dinaluhan ng local mediamen, inihayag naman ni Pichay na ang pangarap niyang pagbabago sa ikapagkakaroon ng kakayahan ng mga Pinoy na makalikha at makabuo ng mga produktong maaaring makipag-kompetensya sa buong mundo ang nagtulak upang mabuo ang "pro-pinoy" slogan nito.
Naniniwala ang kongresista na ang pagkakaroon ng produktong Pinoy ay makapagpapatatag sa ekonomiya, makalilikha ng maraming trabaho, mag-aakyat ng karagdagang koleksyon sa buwis, magreresulta sa maraming proyektong pangkalusugan, edukasyon at imprastraktura. (Malou Escudero)