Sa ipinalabas na warrant of arrest ni QC Judge Ofelia Arellano-Marquez ng branch 216, pinadadakip nito si Pascual at tatlo pang sina Gloria Almazan, Marissa Fabricante at Roberto Pilapil, pawang DAREA officers.
Kaugnay ito ng kasong libel na isinampa sa kanila ni Violeta Bonilla, dating DAREA president at hepe ng Agrarian Reform Program Office ng DAR central office. Inatasan naman ng DOJ ang QC court na kasuhan ang mga respondent dahil sa matibay na ebidensiya na nagdidiin sa mga ito sa kaso.Sinabi ni Bonilla na nagsabwatan umano ang mga respondent para sirain ang kanyang reputasyon nang sulatan si Executive Sec. Eduardo Ermita ng mga mapanirang puri laban sa kanya. Binigyan ng tig-P10,000 piyansa ang mga akusado para sa kanilang pansamantalang paglaya. (Angie dela Cruz)