227 kongresista pasok sa millionaire’s club

Umaabot sa 227 congressmen ang pasok sa "millionaire’s club" ng Kongreso samantalang siyam lamang sa kabuuang 236 miyembo ng House of Representatives ang maituturing na mahirap at hindi umabot sa isang milyon ang kayamanan.

Sa pinakahuling Statement of Assets, Liabilities and Networth (SALN) na ipinalabas ng Records Division ng Kamara, muling nanguna sa listahan ng mga milyonaryo si Las Piñas Rep. Cynthia Villar, maybahay ni Sen. Manuel Villar, na umabot ang networth sa P760 milyon.

Pumangalawa si Negros Occ. Rep. Iggy Arroyo, P287.5 milyon; Iloilo Rep. Judy Syjuco, P255 milyon; Iloilo Rep. Ferjenel Biron; P218M; Quezon Rep. Rafael Nantes, Aurora Rep. Juan Edgardo Angara, P107M; Tarlac Rep. Gilberto Teodoro, P102.6M; Surigao del Norte Rep. Glenda Ecleo, P94.2M; Cagayan Rep. Juan Ponce Enrile, Jr., P94 milyon at pang-10 si Davao del Norte Rep. Antonio Floirendo, P92.3M.

Si Speaker Jose de Venecia ay pang-33 na may P57M, habang si House minority leader Francis Escudero ay pang-177 at may networth na P6.9M. Ang anak ni Pangulong Arroyo na si Pampanga Rep. Mikey Arroyo ay pang-19 at may networth na P76.9M.(Malou Escudero)