Pinoy naniniwalang nandaya si GMA — IBON

Tumaas ang bilang ng mga Pilipino na naniniwalang nandaya si Pangulong Arroyo sa 2004 elections.

Sa latest survey ng IBON Foundation kahapon, umaabot sa 75 porsyento sa kabuuang 1,416 respondents ang naniniwala sa alegasyong corrupt at nandaya si GMA noong 2004 presidential election, sa survey na ginawa mula Marso 16-25 ng taong ito.

Ang panibagong survey na inilabas ng IBON ay tumaas ng 8% mula sa 67% noong Enero ng magkomisyon din sila ng kaparehas na pagtatanong.

Sinabi ni Antonio Tujan, research director ng IBON, na ang pagtaas ng perception ay resulta ng anya’y pagtanggi ng pamahalaan na mai-release ang Mayuga report na nagsasangkot sa ilang military generals sa naging iregularidad ng nagdaang halalan. (Angie dela Cruz/Edwin Balasa)