Stampede probe mas lumalim

Magsasagawa pa ng mas malalimang imbestigasyon ang National Bureau of Investigation (NBI) sa Ultra stampede upang mas matukoy kung sinu-sino ang mga dapat na mapanagot sa kasong sibil at kriminal.Tutukan ng NBI ang mga opisyal at staff ng ABS-CBN na sina Rene Luspo, head ng security; executive producer at manager ng Wowowee Merly Nueva; production manager Marilou Almaden; Harold James Nueva, associate producer; location manager Rey Cayabyab; mga hosts ng Wowowee at floor director Mel Feliciano. Hindi rin paliligtasin sa imbestigasyon ang PNP, Mayor Enteng Eusebio, MMDA, chairman at mga tanod ng Bgy., Orambo at Ugong, Philsports Commission, Gold Link at Kenen Security Agencies. (Grace dela Cruz)