Pinoys sa lumubog na barko nawawala

Nagsasagawa ng search and rescue operations ang mga Egyptian authorities upang iligtas ang daang-daang pasahero kabilang ang mga Pinoy sa lumubog na barko sa red sea noong Biyernes.

Sinabi ni Ambassador Petronilo Garcia sa Cairo, nagpadala na ng consular team ang Pilipinas sa pangunguna ni Consul-General Sahid Glang sa Egyptian port ng Safaga para makipag-ugnayan sa mga awtoridad kaugnay sa nawawalang mga Pinoy na sakay ng Egyptian ferry na Al-Salam Borracio 98 na may sakay na 1,400 pasahero mula sa Saudi Port ng Duba noong Pebrero 2 bandang alas-7 ng gabi patungong Safaga, Egypt.

Nakikipag-koordinasyon na rin ang ating mga opisyal sa Kingdom of Saudi Arabia sa ginagawang search and rescue operations. (Ellen Fernando)