Mag-asawang Amerikanong photographer lecturers sa Photoworld Manila

Pangungunahan ng mga lokal at banyagang photographer ang lecture sa workshop sa Photoworld Manila 2006 na idaraos mula Peb. 9 hanggang Peb. 16 sa Asian Institute of Management sa Makati City na may titulong "Live... Love... Laugh."

Kabilang sa lecturer ang mag-asawang Vicki at Jed Taufer na hihikayatin ang mga delegado na maging marubdob sa photography. Umunlad ang kanilang negosyo sa photography sa loob lamang ng anim na taon.

Topic ni Vicky ang tungkol sa marketing at sales ideas at ang paglikha ng isang tatak sa kanilang negosyo. Tuturuan sila ng customer service techniques na hihigit sa inaasahan ng kanilang mga kliyente.

Ang kanyang lecture ay tungkol sa pagkakaroon ng pagkakakitaan sa isang gawaing kinalulugdan nila at pagkatuto kung paanong balikatin ang pagbaba at pagtaas ng negosyo.

Ang Photoworld Manila 2006 ay isang proyekto ng Federation of Philippine Photographers Foundation (FPPF). Ang FPPF ay makokontak sa 7/F, Comfoods Bldg., Sen. Gil Puyat Ave., Makati City, tel. 8435341/8137420.