Sinabi ni Sen. Angara, kailangang maresolba ng high tribunal sa pamumuno ni Justice Panganiban ang dalawang kontrobersiyal na kautusang ito ng Palasyo.
Ayon kay Angara, nakakahadlang sa trabaho ng Senado at Kamara ang EO 464 dahil hindi nakakadalo sa imbestigasyon ng Kongreso ang mga opisyal ng gobyerno.
Wika pa ng mambabatas, dapat na ring resolbahin ang legalidad ng ipinapairal na CPR ng ating kapulisan sa pagharap nila sa mga demonstrador.
Samantala, pormal na nanumpa kahapon kay Pangulong Arroyo si Panganiban.
Si Panganiban, 69, ay magsisilbi lamang ng 11 buwan dahil magreretiro na rin ito sa Disyembre 6, 2006 para sa mandatory retirement na 70-anyos. (Rudy Andal/Lilia Tolentino)