13 convict binigyan ng 90-day reprieve

Labintatlong bilanggo sa death row ang pinagkalooban ni Pangulong Arroyo ng 90 araw na pagpapalawig ng petsa ng pagpapataw ng parusang bitay.

Ang mga bilanggo na nakatakdang bitayin sa Enero 2, 2006 subalit ipinagpaliban sa Abril 3 ay sina Ireneo Padilla, rape; Renato Dizon, robbery w/rape at Tomas Marcellena, 3 counts of rape. Nakatakda namang bitayin sa Abril 10 mula sa Enero 9, 2006 sina William Alpe, rape; Fernando Villanueva, Jr., rape at Pamfilo Quison, multiple murder na ipinagpaliban sa Abril 17. Itinakda naman sa Abril 17 mula sa Enero 16, 2006 ang pagbitay kina Pablo Santos, rape at Jimmy Jacob, rape; mula Enero 23, 2006 sa Abril 24 sina Rodelio Aquino, rape; Geronimo Borromeo, qualified rape; Juan Carinaga, rape mula Enero 24, 2006 sa Abril 24 at Roberto Madera, rape mula Enero 30, 2006 sa Mayo 2.

Inirekomenda naman ni Executive Secretary Eduardo Ermita sa Pangulo ang conditional pardon sa apat na may edad nang bilanggong lalaki at 5 lola na 70-anyos pataas ang mga edad. (Lilia Tolentino)