Embahada sa Iraq pinalilikas

Bunsod ng lumalalang insidente ng pagpatay hindi lamang sa mga inosenteng sibilyan kundi maging sa mga opisyal ng pamahalaan, partikular na ang car at suicide bombing attack kaya pinapalikas ng Department of Foreign Affairs (DFA) ang operasyon ng embahada ng Pilipinas sa Baghdad, Iraq sa Amman, Jordan upang matiyak na hindi magiging biktima ng karahasan ang ating mga opisyal. Pinag-aalsa-balutan na rin ni Sec. Alberto Romulo sina Ambassadors Erik Andaya at Joel Luna sa takot na sila ang susunod na targetin ng mga bandidong Iraqi.

Una rito ay iminungkahi na ng Estados Unidos ang pagbibigay ng seguridad sa iba’t ibang embahada sa Baghdad matapos patayin ng mga nagpakilalang bandidong miyembro ng Al Qaeda network ang 3 diplomat mula sa Saudi Arabia at 2 diplomat mula sa Algeria. (Ulat ni Mer Layson)