Pagputol sa 70-taong gulang na puno pinatitigil

Dahil sa pangamba ng landslide ngayong panahon ng tag-ulan, umapela kahapon si Southern Leyte Rep. Roger Mercado sa Department of Environment and Natural Resources (DENR) na pigilan ang pagputol sa mga punongkahoy na 70-taon na ang edad.

Anim na puno na aniya na 70-taong gulang, tatlo ang Narra at lima ang Molave sa Brgy. Gawasin, Maasin ang naputol na ng isang pribadong kompanya matapos bigyan ng permiso ni Elpidio Simon, hepe ng community ng DENR.

Nalalagay sa panganib ang mga residente ng Brgy. Gawasin na nasa itaas ng bundok, lalo na ngayong tag-ulan. Pinaiimbestigahan na ang insidente matapos isailalim ng Geosciences Bureau ang Brgy. Gawasin sa calamity zone dahil sa ‘over logging’. (Ulat ni Malou Rongalerios)