Sa ipinalabas na Memorandum, inatasan nito ang Office of the Court Administrator na pinamumunuan ni Justice Presbiterio Velasco, na magsagawa ng biglaan at random drug testing sa mga opisyal at kawani ng hudikatura.
Sakop ng kautusan ang Korte Suprema, Court of Appeals (CA), Sandiganbayan, Court of Tax Appeals (CTA), lahat ng Regional Trial Courts, Municipal at Metropolitan Trial Courts.
Sinumang lalabas na positibo sa paggamit ng iligal na droga ay papatawan ng kaukulang parusa katulad ng suspensiyon at pagkakasibak sa serbisyo.
Layunin ni Davide na masala ang mga miyembro ng hudikatura at mga kawani nito sa posibilidad na mayroong gumagamit ng bawal na gamot sa mga kawani ng opisyal na makakasira sa dangal, dignidad at integridad ng hudikatura. (Ulat ni Ludy Bermudo)