Dahil hindi naman makakalabas ng kanyang Villa si Erap, ang anak nitong si Sen. Jinggoy Estrada ang mamamahagi ng regalo sa mga mahihirap na residente sa Tondo, Maynila bilang gift-giving ng dating Pangulo sa kanyang mga taga-suporta.
Binati naman ni Ilocos Sur Gov. Luis ‘Chavit’ Singson si Erap ng ‘good luck’ sa kasong kinakaharap nito sa Sandiganbayan.
Sinabi ni Gov. Singson, dapat ay utusan na ni Erap ang kanyang mga abugado na huwag ng gumamit ng mga delaying tactics kung talagang inosente siya sa kasong plunder.
Samantala, sa halip na depensahan ng ika-31 testigo ng kampo ni Erap ang dating Pangulo ay inilaglag pa siya ng testigong si dating Equitable Bank vice-president Beatriz Bagsit ng humarap sa Sandiganbayan matapos aminin nitong umabot sa P2.168 bilyon ang naipasok sa Jose Velarde account.
Sinabi naman ni State Prosecutor Dennis Villa-Ignacio, lumilitaw na si Bagsit ay isa sa mga humahawak ng special accounts ni Estrada kabilang ang Erap Muslim Youth Foundation. (Ulat ni Malou Rongalerios)