Myanmar Prime Minister darating sa ‘Pinas ngayon

Magiging panauhin ng bansa ngayong araw hanggang sa Lunes si Prime Minister Lt. Gen. Soe Win ng Myanmar bilang bahagi ng kanyang pakikipagpulong sa mga lider ng Association of Southeast Asian Nations (ASEAN) at paglalapit ng ugnayan ng Myanmar sa mga bansang kasapi ng ASEAN.

Tampok sa pagbisita ni Win ang kanyang pakikipagpulong kay Pangulong Arroyo na unang nakadaupang-palad nito noong Nobyermbre, 2004 sa 10th ASEAN Summit sa Vientiane, Laos. Kasama ng Prime Minister ang kanyang Foreign Minister na si Nyan Win at iba pang opisyal nito. (Lilia Tolentino)