Napocor prexy nagbitiw

Nagbitiw na rin kahapon si Napocor president Roger Murga na tinanggap naman ni Pangulong Arroyo. Sinabi ni Energy Secretary Vince Perez na umabot na sa edad na 70-anyos si Murga na lagpas sa retiring age.

Bago tinanggap ng Pangulo ang resignation ni Murga, hiningi niyang kumpletuhin muna ang mekanismo sa organisasyon ng Napocor, patatagin ang mekanismo para sa pagtitipid at pagbabawas ng gastos sa kompanya ng enerhiya at pabilisin ang pagsasapribado ng Napocor. Magkakabisa ang kanyang pagbibitiw sa Disyembre 31, 2004.

Pinuri ng Pangulo ang naisakatuparang gawain ni Murga lalo na sa panimulang pagbabawas ng mga empleyado ng Napocor mula sa dating 8,000 na naging 3,700. Wala pang napipiling kapalit ni Murga. (Ulat ni Lilia Tolentino)