Yap sa DA,umani ng suporta

Malugod na tinanggap ng National Federation of Hog Farmers Inc. ang paghirang ni Pangulong Arroyo kay National Food Authority (NFA) Administrator Arthur Yap bilang kalihim ng Department of Agriculture.

Sa kanilang manifesto, sinabi ng mga nag-aalaga ng baboy sa buong bansa na epektibong magagampanan ni Yap ang tungkulin nito bilang bagong kalihim ng kagawaran, bukod pa sa kontribusyon na ibibigay nito sa pagpapatupad ng inilahad na 10-point agenda ni Pangulong Arroyo.

"The hog sector believes that Secretay Yap is quite capable of drawing his intelligence, his diligence and drive, and his experienced as head of NFA to sustain and expand the achievements of the DA," sabi ni Albert Lim, Jr., presidente ng NFHFI.

Makakaasa ng suporta mula sa kanilang organisasyon si Yap at handa sila sa anumang pag-uusap upang makatulong sa programa ng kagawaran hindi lamang para sa kanilang industriya, kundi sa lahat ng sektor.