GMA posters binaklas na

Ipinatanggal na ng mga tagasuporta ni Pangulong Arroyo ang mga inilagay nilang posters ng Pangulo sa mga hayag na lugar ng Metro Manila para maiwasan ang reklamong nilalabag ang batas laban sa maagang pangangampanya.

Inihayag ito ni Presidential Campaign spokesman Mike Defensor kasunod ng babala ng Comelec na sasampahan ng kasong premature campaigning sina Pangulong Arroyo, Fernando Poe Jr. at Raul Roco.

Sinabi ni Defensor na ang mga poster ng Pangulo ay hindi naman kumakampanya kundi may kinalaman lang sa mga isinusulong na programa ng pamahalaan. Nilinaw din ni Defensor na walang pondo ng gobyerno ang ginagamit para isulong ang kandidatura ng Pangulo.

Ang inilunsad niyang Philhealth Insurance para sa mahihirap na may pondong P3 bilyon ay hindi kukunin sa kaban ng bayan dahil ito ay pribadong pondo. (Ulat ni Lilia Tolentino)