Tiniyak ito ni Pangulong Arroyo sa harap ng inaasahang kakulangan sa tubig dahil sa pagbaba ng imbak na tubig sa anim na dam ng Luzon partikular sa Angat Dam sa Bulacan na ang water level ay naitala sa 198.77 metro sa nakalipas na 24-oras.
Ang Angat dam ang pinagkukunan ng 97 porsiyento ng supply ng tubig sa Metro Manila ng 8-M kumokonsumo nito.
Sinabi ng Pangulo na inatasan na niya ang kinauukulang ahensiya ng pamahalaan na bumalangkas ng plano para mapagaan ang negatibong epekto ng krisis sa tubig.
Ang mga dam na kasalukuyang minamanmanan din ng mga awtoridad ay ang Magat dam sa Isabela, Pantabangan dam sa Nueva Ecija, Binga at Ambuklao sa Benguet at San Roque dams sa Pangasinan.
Para rin maiwasan ang pinangangambahang kakulangan sa tubig, nanawagan ang Pangulo sa publiko na magpatupad ng pagtitipid sa gamit ng tubig. (Ulat ni Lilia Tolentino)