Ito ang sinabi kahapon ni Davao Oriental Rep. Mayo Almario kaugnay sa nalalapit na paghahayag ni Pangulong Arroyo ng kanyang magiging bise presidente.
Ayon kay Rep. Almario, pare-parehong umaasa sina Senators Noli de Castro, Robert Barbers at MMDA Chairman Bayani Fernando na sila ang magiging ka-tandem ni GMA at maging sina Tourism Sec. Richard Gordon at Senate President Franklin Drilon ay napapabalitang nais ding tumakbong bise.
Kaugnay nito, hinikayat ng solon ang Pangulo na ihayag na sa Disyembre 30 kung sino ang kanyang makakatambal upang magkaroon ito ng sapat na oras para ipaliwanag sa mga hindi niya mapipili ang kanyang naging desisyon.
Naniniwala si Almario na siguradong may magtatampo sa Pangulo kapag hindi sila ang naging running mate nito.
Makikita aniya kung gaano katapat kay Arroyo ang mga nagnanais maging bise presidente niya sa sandaling ihayag na nito ang kanyang running mate. (Ulat ni Malou Rongalerios)