2 kompanya ng SMC pasado sa int'l standard

Pasado sa international standards ang San Miguel Food Inc., at Monterey Corp., kapwa subsidiary ng higanteng San Miguel Corporation.

Sila ang pinakahuling pinagkalooban ng certificates on Good Manufacturing Practice (GMP) at Hazard Analysis Critical Control Point (HACCP), ayon sa Dept. of Trade and Industry.

Ayon kay DTI Sec. Mar Roxas, na siyang nag-aabot sa mga cerificates sa awarding ceremony sa Board of Investment, ang HACCP certificates ay may bisa sa loob ng isang taon matapos ang assessment ng Joint Management Committee on GMP at HACCP Certification (JMC) na ang dalawang affiliates ng SMC ay pasado sa international at manufacturing standards.

Ang GMP certificate ay nagpapatunay na malinis ang mga pasilidad at naaayon sa international standards ang operasyon ng planta. Ang HACCP naman ay nagbibigay garantiya na may uri at ligtas ang kanilang mga produkto. Ang dalawang certificate ay mahigpit na itinakda sa dalawang pangunahing pamilihan ng bansa, ang United States at Europe.