6 PNP generals nagpa-drug test

Follow your leaders!

Ito ang ginawang paghamon kahapon ni National Capital Region Police Office (NCRPO) chief, P/Director Gen. Reynaldo Velasco matapos nitong pangunahan kasama ang lima pang opisyal sa ilalim ng kanyang tanggapan para boluntaryong magpa-drug test sa PNP crime laboratory sa Camp Crame.

Sinabi ni Velasco na nais lamang nilang maging ehemplo sa kanilang mga kasamahan partikular na sa kanilang mga tauhan bilang pagtalima sa direktiba ni PNP Chief Gen. Hermogenes Ebdane na sumailalim sa drug test ang mga kagawad at opisyal ng pambansang pulisya.

Kasama ni Velasco na nagsumite ng kanilang urine samples para maisalang sa drug test ang deputy nito sa NCRPO na si P/Chief Supt. Rowland Albano, Northern Police District director P/Chief Supt. Marcelino Franco, Eastern Police District director P/Chief Supt. Rolando Sacramento, Western Police District director P/Chief Supt. Pedro Bulaong, Southern Police District director P/Chief Supt. Jose Gutierrez at ang hepe ng PNP Crime Laboratory C/Supt. Restituto Mosqueda. (Ulat ni Joy Cantos)