Pinabulaanan ni US Ambassador Francis Ricciardone ang report ng Los Angeles Times na plano ng Pentagon na hingin ang permiso ng Pilipinas na i-base ang mga tropang Kano dito.
Sa panayam sa Malacañang, sinabi ni Ricciardone na walang leader ng US ang interesado na palitan ang mga policies ng US sa Asya lalo na sa Pilipinas.
Kagagaling lang ni Ricciardone sa Washington kung saan nakapulong niya sina US Pres. George Bush, Defense Sec. Donald Rumsfeld at State Secretary Condoleesa Rice. Wala anyang binanggit ang naturang mga opisyal hinggil sa planong palawakin ang tropa sa Asya at maglagay ng base sa Pilipinas. (Ulat ni Ely Saludar)