US troops lookout lang ng AFP – Reyes

Hindi sasabak sa operatiba ng militar sa Sulu ang mga tropang Amerikano.

Ito ang tiniyak ni Defense Secretary Angelo Reyes kay RP Ambassador Albert del Rosario ng magkita sila sa Washington kamakalawa.

Iginiit ni Sec. Reyes na hindi lalabagin ng Balikatan 03-1 ang Konstitusyon dahil hindi sasali sa offensive combat operation laban sa mga terorista at extremist groups sa Sulu ang mga sundalong Kano.

Nanindigan ang Defense chief na bilang mga trainors at advisers lamang ng AFP ang magiging papel ng mga Amerikano.

Si Sec. Reyes ay tumulak patungong US noong Linggo upang makipagkita sa counterpart niyang si Secretary Donald Rumsfeld para pag-usapan ang terms of reference (TOR) sa Balikatan 03-1 sa Sulu at rebyuhin ang defense at security issues sa pagitan ng dalawang bansa. (Ulat ni Danilo Garcia)