OWWA may bagong hepe

Uupo na ngayong araw bilang bagong administrator ng Overseas Workers Welfare Administration (OWWA) si Virgilio "Ver" Angelo kapalit ni Wilhelm Soriano matapos na pormal na lagdaan ni Pangulong Arroyo ang appointment paper ng una noong Oktubre 10, 2002.

Mahigit tatlong buwan naka-leave si Soriano at nanahimik matapos ang bangayan nila ni Labor Secretary Patricia Sto. Tomas. Ang alitan ay nag-ugat sa ibinunyag ng huli na umano’y paglustay ng halagang P1.2 bilyong pondo ng OWWA sa pamamahala ni Soriano. Hanggang sa makialam ang Malacañang dahil naapektuhan na ang kanilang serbisyo publiko. (Ulat ni Ellen Fernando)