Sinabi ni Justice Secretary Hernando Perez, sinampahan na ng mga kasong illegal possession of firearms and explosives at murder kay State Prosecutor Ruben Zacarias ang mga suspek na sina Abdul Jamin Asnul Habi alyas Abdul Asis, 18; Buyungan Bungkaka alyas Jul, 19; Rajak Saguyaman alyas Rajak, 27 pawang residente ng Zamboanga City; Bas Ismael alyas Big Boy/Arab-Arab, 18 at Madznul Abdula Ladja alyas Arjhon Morales/Eddie, 23 kapwa ng Siasi, Sulu.
Ang mga suspek ay miyembro ng ASG sa ilalim ng pamumuno ni commander Abu Solaiman.
Kaugnay nito, sinabi naman ni DOJ Chief state Prosecutor Jovencito Zuno na bumuo na sila ng panel for investigation upang mangalap ng mga dokumento at ebidensiya na siyang magdidiin sa mga suspek.
Magugunita na ang mga suspek ang sinasabing responsable sa serye ng pambobomba sa Zamboanga City noong nakaraang linggo. (Ulat ni Gemma Amargo)