Pension ni Marcos tinanggap ni Imelda

Matapos ang mahabang taon, tinanggap kahapon ni dating Unang Ginang Imelda Marcos ang old age pension checks bilang benepisyo ng isang sundalo ng namayapa nitong asawang si dating Pangulong Ferdinand Marcos sa Philippine Veterans Administration Office (PVAO) sa Camp Aguinaldo kahapon.

Ang dalawang tseke na nagkakahalaga ng P24,000 at P22,500 ay personal na iniabot ni Defense Secretary Angelo Reyes kay Gng. Marcos. Sinabi ni Reyes na medyo natagalan ang pagbibigay ng nasabing mga bepisyo sa pamilya ng yumaong dating pangulo dahil hindi agad nag-aplay ang mga ito sa PVAO para makakuha ng benepisyo. (Ulat ni Joy Cantos)