Classrooms lalagyan ng toilet

Hindi na kailangan pang mag "Mam, may I go out" ang mga mahiyaing mga elementary pupils.

Ito’y matapos na ihayag ni Department of Education (Dep-Ed) Sec. Raul Roco na magkakaroon na ng palikuran sa bawat silid-aralan ang mga elementary school sa susunod na taon.

Sinabi ni Roco na ipapatupad na nila sa susunod na buwan ang International Standard for Classrooms (ISC) matapos na ipasa sa kanila ng Department of Public Works and Highways (DPWH) ang konstruksyon sa mga silid-aralan.

Base sa ISC, kinakailangang may lawak na 9mmx7 ang bawat silid-aralan na itatayo at may sariling palikuran. Nagkakahalaga ito ng P352,000 bawat isa. Ilang mga piling lugar lamang umano ang mabibiyayaan ng mga may palikuran na silid-aralan dahil sa may 3,000 nito ang nakatakdang itayo na inaasahang matatapos sa taong ito. (Ulat ni Danilo Garcia)