BIR Commissioner kinasuhan ng plunder

Ipinagharap kahapon ng kasong plunder at paglabag sa anti-graft law sa tanggapan ng Ombudsman si Bureau of Internal Revenue Commissioner Rene Banez dahil sa umanoy pagtatago ng pondo nito.

Si Banez ay sinampahan ng kaso ng ilang empleyado ng Bureau of Customs, Department of Finance at EIIB.

Ayon sa mga complainants na mahigit P1bilyong piso ang nalugi sa pamahalaan ng bigyan ni Banez ang mga kompanyang Fort Bonifacio Land Development Corporation; Bonifacio Land Corporation at Bases Conversation Development Authority ng tax exemption. Kasama ding kinasuhan si BIR Chief and Legislative Ruling Atty. Jesus Sandoval. (Ulat ni Grace Amargo)