Paglaya ng 2 Palawan hostages di totoo - AFP

Itinanggi ni AFP Spokesman Brig. Gen. Edilberto Adan ang napaulat na pinalaya na ng mga bandidong Abu Sayyaf ang dalawang Palawan hostages na sina Kimberly Jao at Lalaine Chua matapos na magbayad ng P10 milyong ransom ang pamilya nito.

"The reported release has not happened. There is no release as of the moment," paglilinaw ni Adan.

Ang pahayag ay taliwas naman sa kumpirmasyon ng isang mataas na opisyal ng Basilan na nagsabing nakalaya na sina Jao at Chua matapos umanong magbayad ng ransom ang pamilya nito kay Dra. Juda Lim, provincial health officer 1 ng Basilan at kamag-anak umano ni Abu Sabaya at kabilang sa mga back-door negotiators na naglalakad ng ransom sa mga pamilya ng biktima.

May hinala na maaaring nasa Maynila na ngayon sina Jao at Chua. (Ulat nina Joy Cantos/Rose Tamayo)