3 Pinoy sentensyado sa Cuba

Tatlong Pinoy seaman sa Cuba na sina Vicente Caro, Gonzalo Garcia at Newton Vinteres ang napatunayang nagkasala sa kasong corruption of minors at nasentensyahang makulong nang mahigit 10 taon.

Ito ang nabatid kahapon kay Assistant Secretary Rey Caranadang ng Office of American Affairs na nagsabing pinagbabayad din ng danyos-pinsala ang tatlong seaman na mula pa noong 1998 nakakulong sa naturang bansa.

Sinabi ni Caranadang na malabong mapatawad ni Cuban President Fidel Castro ang mga akusado kaya makakabuting madaliin ng Pilipinas ang pakikipaglagdaan nito sa naturang bansa ng Transfer of Sentenced Persons agreement para dito na lang sa bansa ikulong ang tatlo. (Ulat ni Rose Tamayo)