Ekonomiya bumagsak dahil sa BW — Yulo

Ang iskandalo sa Best World Resources na pag-aari ng kaibigan ni Pangulong Joseph Estrada na si Dante Tan ang tangi umanong dahilan kaya bumagsak ang ekonomiya ng bansa.

Ito ang lumitaw sa pagtatanong ni Senator-Judge Loren Legarda-Leviste kay dating Philippine Stock Exchange President Jose Luis Yulo na tumestigo sa kasong betrayal of public trust na bahagi ng articles of impeachment laban sa Pangulo.

Naunang ipinahiwatig ni Yulo sa korte na pinipilit siya umano ng Pangulo na gawan ng paraan na mapawalang-sala ang BW sa stock manipulation at insider trading na siniyasat ng PSE.

Pinayuhan naman ni Yulo ang Pangulo na magbitiw na lamang sa puwesto para hindi na ito masaktan pa sa mga bagong "bombang" ipapasabog laban dito at sa pamilya nito. (Ulat ni Doris Franche)