Paninigarilyo sa pampublikong lugar ipagbabawal na

Simula sa darating na Hunyo, ipagbabawal na ng pamahalaan ang paninigarilyo sa lahat ng pampublikong lugar, gusali at pampublikong sasakyan bilang bahagi ng kampanya ng pamahalaan na linisin ang kapaligiran.

Ayon kay Secretary Antonio Cerilles, ng Dept. of Environment and Natural Resources, kabilang sa mga lugar na hindi maaaring manigarilyo ay sa mga kulob na lugar mula sa labas ng pangpribadong tirahan at pangpribadong lugar ng pagtatrabaho upang iseguro ang pangkalusugan ng publiko.

Sinabi ni Cerilles na sinumang mahuhuling lalabag sa naturang kautusan sa ilalim ng Clean Air Law ay may multa na P10,000 hanggang P100,000 at anim na taong pagkabilanggo.(Ulat ni Jose Rodel Clapano)