Ang Kapitbahay (108)
HINDI umalis sa tabing bintana si Vince at binantayan kung kailan aalis si Ram. Pasado 1:00 p.m. dumating si Ram at pinapasok ng anak ni Margie na si Brenda. Hindi marahil alam ni Ram na wala si Margie sa bahay. Pero bakit naman umalis si Margie? Hindi sila nag-uusap? O baka nagkasalisi lang.
Maaring pinapasok ni Brenda si Ram sapagkat kilala na ito. Siguro, ipinakilala ni Margie. Pero dapat bang papasukin ni Brenda ang ibang tao lalo’t nag-iisa siya? Dalaga siya. Bata, maganda, kaakit-akit at sexy.
Tutok na tutok si Vince sa pinto ng bahay nina Margie. Hindi siya umalis at baka may makalampas na pangyayari. Sayang naman.
Habang nag-aabang, kung anu-ano ang nai-imagine ni Vince. Hindi kaya nagkakamabutihan ang dalawa. Hindi kaya nagsasalo na ang mga ito sa bawal na mansanas?
Hindi kaya sinisimsim ni Ram ang kasariwaan ni Brenda? Hindi kaya ipinagkaloob na ni Brenda ang pagkababae sa dating boyfried ng ina?
Kung anu-ano pa ang naglaro sa malikot na imahinasyon ni Vince. Posibleng matukso si Ram kay Brenda dahil talagang maganda ito. Mas bata at sariwa kumpara kay Margie.
Hindi mapakali si Vince. Ano kayang nangyayari? Matindi kaya ang labanan? Nagkaputukan na kaya?
Dakong 2:00 p.m. nakita ni Vince na lumabas ng bahay si Ram. Hindi lumabas ng bahay si Brenda. Mabilis na lumabas ng gate si Ram.
Makaraan ang 15 minuto, nakita ni Vince na dumating si Margie. Muntik na silang mag-abot ni Vince.
Itutuloy
- Latest
