Pag-ballet  gisudlan ni Heaven

CEBU, Philippines — Gipaneguro ni Heaven Peralejo nga mahataganan  og katumanan ang mga  gusto niya nga buhaton.  Nabuhat na niya ang pagkat-on sa  pottery, flower arranging, muay thai, yoga, , pilates, pagduwa og  tennis ug uban pa.  Kasamtangan usab siya nga nisulod og ballet class.  “Learning ballet at 25 because why not? Starting late is tough — every step feels like catching up, every movement a challenge. But when you’re surrounded by people who guide and support you, and when it’s something that sets your soul on fire, nothing else matters,” Instagram post sa aktres.

28th anniversary

Kasamtangang giselebrar  sa Kapamilya actress  nga si Nikki Valdez  ang iyang  28th anniversary sa  entertainment industry. Nagsugod si Nikki isip kabahin  sa  ikaupat nga  batch sa  Star Circle nga nailhan karon isip  Star Magic.  “It's been quite a journey for me —  I've had the privilege to work with so many great actors I only saw on TV and directors whose names I only saw on shows and movies I watched,” ni Nikki pa.

"Sa Bawat Sandali" gipistahan

Niabot na og 5.4 million views  sa pagka-karon  ang music video sa   "Sa Bawat Sandali"  nga gi-compose ug  gikanta ni Amiel Sol. Nilugwa sa maong music video ang  lead stars sa Viva One series  nga "Ang Mutya ng Section E" nga sila si Andres Mulach ug Ashtine Olviga.  Nakalangkat usab kini og 24.5 million streams sa Spotify.  Suma pa ni Amiel nga wala siya nagdahom sa nakab-ot nga kalamposan sa  gimugna niya nga awit.  

Kapuso ug Kapamilya housemates sa PBB gipaila na!

Nisulod na niadtong Domingo sa  gabii ang 15 celebrity housemates  sa  Pinoy Big Brother: Celebrity Collab Edition nga gipaluyohan sa GMA Network ug ABS-CBN.

Ang Kapuso housemates kay naglangkob nila ni Ashley Ortega, AZ Martinez, Will Ashley, Josh Ford, Charlie Fleming, Dustin Yu, Mika Salamanca, ug Michael Sager.

Kauban  nila ang   Kapamilya housemates  nga  sila si AC Bonifacio, Esnyr, Brent Manalo, Klarisse De Guzman, River Joseph, Ralph De Leon, ug  Kira Balinger.

Nisulod usab sa PBB house niadtong gabhiona ang aktres nga si Ivana Alawi isip  house guest.

Gipaabot nga ianunsyo sa umaabot nga mga adlaw ang mga dugang  personalidad sa Star Magic ug  Sparkle nga mosulod sa PBB house.

Ang hosts sa maong reality show kay gilangkoban nila ni Bianca Gonzalez, Robi Domingo, Kim Chiu, Enchong Dee, Melai Cantiveros, Gabbi Garcia ug Mavy Legaspi.

Mao kini ang labing unang higayon nga mag-uban sa Balay ni Kuya ang Star Magic ug Sparkle artists.

Pinoy actor pasok sa Indonesian romcom film

Nalakip ang Filipino actor nga si Leo Consul sa  Indonesian romantic-comedy  film nga "Bukan Jodoh Biasa Nih (Not Your Ordinary Soulmate)."   Nagbase sa Jakarta    si Leo busa aktibo kaayo kini sa showbiz sa maong dapit.

Sa taho sa ABS-CBN News, nitambong si Leo sa movie premiere niini sa Cinema XXI sa  Pondok Indah Mall 1 sa Indonesia.

Nitikang usab sa kalihokan ang  pipila ka opisyales sa Philippine Embassy ug grupo sa mga Pinoy.

"It's a rom-com movie and adventure also rolled in one. So it's a very light movie lang. We encourage you to just have fun and don't like fun too seriously. Let's just have fun through this movie," matud pa ni Leo sa usa ka interview.

Nigamit ang aktor og pinulongan nga Tagalog sa pipila niya ka linya sa maong pelikula.

"Bale hindi po sinasadya 'yon actually. May mga moments na sobrang natural ng scene. Lumalabas ang pagka-Filipino natin so sabi nila,m 'sige gawin mo lang. Tagalog na lang natin para may konting flavor din since ang role ko naman dito ay Filipino. At the end of the day the director and the producers they liked it so it's a proud moment for me also na mapanood ng Indonesian na may naririnig sila na Tagalog. Filipino represent," dugang pa niya. Kahinumdoman nga nahimong kabahin si Leo sa sikat nga  2021 Indonesian series nga  "Terpaksa Menikahi (Forced Marriage)." 

Tensyon sa gugma gituki sa bag-ong awit sa 1621

Tensyon sa pasiunang  bahin sa gugma ang gihatod sa  rising P-pop boy group nga 1621  sa bag-o nila nga awit nga  “Bababa.”

Sa maong awit, gikumparar sa  1621 members nga sila si  JM, JC, Pan, Win, Migz, ug DJ ang pagkahulog nila sa tawo nga ilang gihigugma  ngadto sa  paglihok sa  elevator.

Gisulat ug gi-produce  kini ni Rondy Pangyarihan,  kauban sila si Randy Prasetyo ug  Juju Maglacas .  Ang executive producers niini kay sila si  ABS-CBN Music operations, content, ug  creative head Jonathan Manalo, StarPop label head Roque “Rox” Santos, ug  Perry Lansigan.

Human gipakita ang ilang  talento isip idols sa survival reality show nga “Dream Maker,” gilusad sa  grupo ang  ilang self-titled debut EP kun diin nalakip ang mga awit nga  “Laruan” ug  “Ikaw at Ikaw.”

Ang  “Bababa” sa 1621 kay madungog sa nagkalain-laing  streaming platforms. 

45th Fantasporto Film Festival Juday nakadaog isip best actress 

Si  Judy Ann Santos-Agoncillo maoy gipasidunggan   isip  Best Actress sa 45th Fantasporto Film Festival  didto sa Portugal  alang maayo niya nga pag-arte sa  pelikulang  “Espantaho.”

“I would like to thank the Jury of Fantasporto for the recognition,” unang bahin sa acceptance speech ni Juday sa bag-ohay lang nga  awards night sa maong film festival.

Dakong garbo alang  sa aktres nga iyang gi-presentar ang Pilipinas sa maong kalihokan.

“Porto is such a beautiful city. I’m just so happy that I’m bringing home the best souvenir,” ni Judy Ann pa.

Bugoy ug EJ nagpakasal na!

Hingpit na nga nanumpa sa ilang  panaghigugmaay sila si  Bugoy Cariño ug  volleyball star EJ Laure  pinaagi sa  church wedding niadtong Domingo didto sa  Tagaytay.

Kahinumdoman nga na-engaged ang duha  niadtong  Septiyembre 3, 2023 atol sa  birthday celebration ni Bugoy. “Gusto ko lang sabihin and ipagsigawan sa lahat ng kaibigan ko na nandito, kaya napakaimportante niyo sa akin, na itong babaeng ito, papakasalan ko.

Itong babaeng ito, mamahalin ko hanggang dulo. Kaya maraming, maraming salamat sa pagpunta niyo,” mensahe pa ni Bugoy  nga gipabuhagay niya kaniadto ngadto sa  iyang mga bisita.

Pambato sa nasud alang sa Miss Global 2025  napili nga  4th runner-up

Ang representante  sa Pilipinas nga si Xena Ramos maoy napili  nga fourth runner-up sa Miss Global 2025  nga gipahigayon bag-ohay lang didto sa  Thailand.

Mapasalamaton si Xena  sa  tanang nisuporta sa pagsalmot niya sa maong indigay.

"I'm really just so happy with my performance. I carried this flag with so much pride, love, and honor. I really want to thank all my teammates, hay ang dami kong pasasalamatan pero I just want to share it with you right away.Thank you so much. Mahal na mahal ko kayong lahat. All my prayers worked," Instagram story sa beauty queen.

Nakaangkon sa titulo nga Miss Global 2025 mao ang pambato sa Vietnam nga si Nhu Van Nguyen

Nagikan sa Jamaica, Puerto Rico, ug  United States ang ubang runner-ups.

Niadtong 2022, naangkon sa pambato sa Pilipinas niadtong higayona nga si Shane Tormes ang Miss Global crown.

Gipasigarbo usab ni Shane ang  performance  ni Xena  sa maong indihay karong tuiga.

"Congratulations to this incredible and inspiring woman for representing our country with such grace, pride, and joy.You came prepared, you gave it your all, and that in itself is a win! This is just the beginning of even greater things ahead.See you very soon--celebrating you and all that you've accomplished!,”  mensahe pa ni  Shane alang ang Xena.