CEBU, Philippines — Hugtanong gilimod ni Nadine Lustre ang nigawas nga chika nga matud pa engaged na sila sa iyang non-showbiz French boyfriend nga si Christophe Bariou. Kahinumdoman nga nag-ugat ang maong chismis sa dihang nipadangat og mensahe si Nadine ngadto sa iyang uyab nga nagkanayon ," “Can’t wait to discover and conquer the world with you.”
Bag-ong korona
Hinimo sa Pinoy ang bag-ong korona sa Miss Universe kun diin nalakip sa desinyo ang South Sea Pearls nga gikan sa kadagatan sa Palawan. Gitawag ang maong karona og “Lumière de l’Infini” o “Light of Infinity”.
Segurado na sa uyab
Dako ang pagsalig ni Julia Barretto ngadto sa iyang boyfriend nga si Gerald Anderson busa segurado siya nga dili siya binuangan niini. Suma pa sa aktres nga sa kadugay na sa ilang relasyon , kaila naa kaayo siya ni Gerald ilabi na nga ubay-ubay na ka mga pagsulay ang ilang naagian.
Pagsaulog sa Paskong Pinoy
Gilusad na sa GMA Network ang ilang 2024 Christmas Station ID nga nag-ulohan og "Ganito Ang Paskong Pinoy: Puno ng Pasasalamat." Tribute kini alang sa tinud-anay pagsaulog sa gitawag nga Paskong Pinoy.
Nagtapok ang mga artista sa Christmas Station ID inubanan sa ilang executives nga sama nila ni GMA Network Chairman Atty. Felipe L. Gozon ug President and CEO Gilberto R. Duavit, Jr. Ang “Ganito Ang Paskong Pinoy: Puno ng Pasasalamat” kay giawit sa Asia’s Limitless Star nga si Julie Anne San Jose ug sa ubang Kapuso singers nga sila si Aicelle Santos, Rita Daniela, Jessica Villarubin, Hannah Precillas, Mariane Osabel, Garrett Bolden, Anthony Rosaldo, Thea Astley, John Rex, ug Cloud 7.
Gitagik ang lyrics nila ni Christine Autor, Natasha L. Correos, Joe-Edrei Cruz, Ann Margaret Figueroa, Lorraine Intes, ug Samantha Toloza. Gi-compose ug gi-arrange kini nila ni Natasha L. Correos, Joe-Edrei Cruz, ug Ann Margaret Figueroa.