CEBU, Philippines — Wala’y problema alang kang Nadine Lustre nga magbalik-balik usahay ang iyang mga outfit. Ang labing importante sa aktres nga gihatagan niya og bili o importansya ang iyang gisul-ob. Nailhan ang aktres sa iyang pagka-fashionista apan ang labing importante kaniya nga angayan siya sa iyang gisout .
Nag-abot sa Italy
Gikahimot-an og maayo sa netizens ang kalit-kalit nga reunion reunion nila ni Miss Universe 2015 Pia Wurtzbach ug Miss Universe 2015 1st runner-up Ariadna Gutierrez. Sa Instagram , gipaambit ni Pia ang hulagway nila ni Ariadna samtang nirampa sa karsada. Susama nga nitikang sila si Pia ug Ariadna didto sa Italy alang sa Milan Fashion Week.
Shake, Rattle & Roll Extreme
Sila si Paul Salas, Paolo Gumabao, ug Jane de Leon maoy pipila sa mga bida sa "Mukbang," "Rage," ug "Glitch" episodes sa Shake, Rattle & Roll Extreme. Dakong garbo alang kanila nga malakip sa usa ka proyekto nga puwerting sikata sulod sa taas na nga panahon.“Nakakatuwa kasi laking Shake, Rattle & Roll ako since bata ako. Super dami ko nang napanood,” matud pa ni Jane.
E.A.T. nag-sorry sa “lubid” joke
Nangayo og pasaylo ang programang E.A.T. ngadto sa Movie and Television Review and Classification Board (MTRCB) gumikan sa gibuhian nga komedya sa usa sa mga host sa maong noontime show.
Ang Head of Creatives and Production Operations nga si Jeny Ferre ang nagpadala og sulat sa maong ahensya.
Kahinumdoman nga nahimoang viral ang “lubid” joke ni Joey de Leon sa "Gimme 5" segment. Sa maong segment, gipangayoan ang contestant og mga butang nga mahimong ibitay sa liog ug gihisgotan ni Joey ang maong pulong. Sa sulat nga gipadala sa E.A.T., nahimong negatibo ang interpretasyon sa viewers sa maong komedya busa nangadyo sila og pasaylo.
“However, some viewers interpreted the utterance of the said object as an insinuation of suicide, which is a very sensitive and triggering subject.In this regard, the whole EAT management is regretful and apologetic to those who were offended by the said utterance.Rest assured that we are one with MTRCB in advocating a responsible viewing experience for the public,” suma pa sa E.A.T.
Ryan Bang mosulod sa Bubble Gang
Adunay guest appearance ang Kapamilya star nga si Ryan Bang sa Kapuso gag show nga “Bubble Gang” ug nalingaw gyud niini ang komedyanteng TV host-actor.
Sa Instagram story ni Ryan , gipakita niini ang pipila ka behind the scenes sa taping niya sa Bubble Gang .
Nagpahulagway usab si Ryan kauban sila si Paolo Contis, Kokoy de Santos ug Analyn Barro.Nagpasalamat usab si Ryan sa direktor sa maong show nga si Frasco Mortiz. Unang ni-guest si Ryan sa Kapuso showbiz talk show nga "Fast Talk with Boy”.
Bahala’g binalik
Wala’y problema alang kang Nadine Lustre nga magbalik-balik usahay ang iyang mga outfit. Ang labing importante sa aktres nga gihatagan niya og bili o importansya ang iyang gisul-ob. Nailhan ang aktres sa iyang pagka-fashionista apan ang labing importante kaniya nga angayan siya sa iyang gisout .
Kalo ni Michael Jackson nahalin na!
Nahalin na ang kalo ni Michael Jackson sa kantidad nga US$82,170 (PHP4,679,704.75) atol sa auction nga gipahigayon sa Hotel Drouot, Paris, sa niaging adlaw.
Ang maong black fedora kay gigamit ni Michael sa iyang pag-perform sa iyang signature moonwalk dance sa dihang gikanta niya ang “Billie Jean” sa usa ka Motown concert niadtong Marso 25, 1983.
Giitsa sa singer ang iyang kalo ug ang nakasalo niini mao ang usa sa nitan-aw sa maong konsyerto nga si Adam Kelly.