Sa nilabay'ng duha ka mga adlaw, nagpiyesta gyud ang mga basher ni Angel Locsin. Kini human nikatap sa social media ang mga hulagway niya nga kuha didto sa Batangas sa usa ka photographer samtang nagtaping si Angel alang sa iyang online show. Tataw man gud sa mga hulagway nga niburot ang lawas sa aktres. Nanambok ba. So labihang nakasaway sa mga basher. Feeling perfect ba! Pakkk!
Well, adunay duha ka matang sa pagsaway. Kini mao ang constructive o objective criticism ug ang ikaduha mao ang subjective o personal criticism. Kanang constructive nindot na, makakat-on kita niana. Angayan na nimong panaminan basin tinuod diay. Ang constructive criticism maluwatan gumikan sa tinguha nga mulambo ug madasig ang usa ka tawo.
Ang subjective o personal criticism mao na ang bashing. Igo ra gyud ka manaway--walay itanyag nga solusyon. Dili ka makakat-on kay below the belt kaayo ang pagsaway nga giluwatan. Negative criticism. Saway lang gyud nga saway, walay basehan. That's very chaka. Pakkk!
So kaning kang Angel, kasagaran subjective criticism. Bati matud pa'g nawong, balyena, baril ug bisan unsa na lang ilang gitawag sa aktres. Ambot ba nganong sala kun manambok ang usa ka tawo? Ug ambot nganong grabe kaayo makasaway ang mga tawo kun tambok ka! Hala uy, ka perfect ba ani nila! Ka hamis ba! Lami pang larutan og kilay! Pakkk!
Nabaniog na mga duha ka tuig na ang nilabay nga namahayag si Angel nga nidako gyud siya gumikan sa iyang gipang inom nga tambal alang sa iyang back injury. Yes, mao bitaw nga wala siya nahinayon aron subling mulupad isip Darna gumikan sa iyang injury. So most probably, medication gihapon ang rason nganong nidako siya og maayo. Dugang pa niana, kinsa ba guy wala nidako karong panahona nga naa ra sa balay kasagaran nagpundo ug nag stress eating gumikan niining health ug economic crisis nato karon. Si Angel pa nga busy og pangitag hinabang so mawad an nanag panahon nga mag exercise karong panahona.
But in general, nganong hilas ug abtik man gyud kita manaway sa atong isigkatawo? Hinumdumi nga we just know their names but we do not know their stories. Wala baya ta nagsunod-sunod sa atong isigkatawo 24/7. So wala gyud ta kahibawo sa mga rason nganong nanambok ang usa ka tawo o kun nganong nakabuhat siya og lakang nga alang kanato sayop ug dili maayo. Maong hinay-hinay lang kita sa atong pagka hinawayon because we do not know what others are going through.
Besides, ilaha manang kinabuhi uy, ngano ba gud nga magbuot manta mag-unsa sila? Gihilabtan ba diay ka nila? Gibut-an sa imong mga gimbuhaton ug mga panahom? Also, wala mana sila mang perwisyo nato. Dili ta magbuot. Dili ta mugara'g panaway kay walay perpekto nato sanglit gimugna ra ta sa Ginoo. Dili man sab gyud bidli ang mga tambok kay mga tamse mana sila. So bahala'g tambok, importante, buhi! Pakkk!
Have a blessed Sunday, dear okRYANians!