Giangkon sa sexy star nga si Nathalie Hart nga mabdos siya og upat ka buwan. Ang iyang longtime boyfriend nga Indian national maoy amahan sa iyang gisabak. Plano usab nila ni Nathalie ug sa iyang uyab nga magpakasal karong Disyembre.
Ganahan mo-explore
Tsika pa ni KC Concepcion nga gimingaw na siya og maayo sa showbiz. Hinuon wala ra siya gilaay sa iyang kinabuhi gumikan kay na-busy siya sa iyang negosyo. “Nakaka-miss talaga ang showbiz pero nandito lang ako sa time ng life ko na I want to explore,” matud pa ni KC.
Ronnie is back
Hingpit na nga nibalik sa showbiz ang aktor nga si Ronnie Ricketts. Usa sa iyang gikabisihan karon mao ang iyang comeback movie. Andam usab si Ronnie nga modawat og TV projects.
Tungod ni Alden
Wala gyu’y pagduhaduha si Coney Reyes sa pagdawat sa iyang role isip inahan ni Alden Richards sa seryeng Victor Magtanggol. Nakadungog si Coney og mga istorya nga usa ka buotan nga aktor si Alden hinungdan nga gidawat niya deretso ang maong proyekto.
Pangandoy sa bana
Malipayong gibalita ni Ai Ai delas Alas nga nitungha ang iyang bana nga si Gerald Sibayan aron matuman ang pangandoy niini nga mahimong piloto. Gipasigarbo ni Ai Ai ang iyang bana gumikan kay naghunahuna gyud kini sa ilang kaugmaon.
Naka-adjust ra
Malipayon si John Estrada gumikan kay naka-adjust ra siya dayon sukad siya nibalhin sa GMA-7. Nasuod dayon sa aktor ang bida sa Victor Magtanggol nga si Alden Richards.
Maglisod og biya
Giangkon sa GMA-7 actor nga si Kristoffer Martin nga dunay mga higayon nga ganahan siya mobalhin sa laing istasyon. Apan nasulod sa iyang hunahuna nga dili pa gyud siya andam nga mobiya sa iyang mother network. "Masasabi mo kasi sa sarili mo kung saan ka belong. Kumbaga hindi ko pa nakikita yung sarili sa kabila. Hindi pa,” matud pa niya.
Ganahan magkontrabida
Target ni Mark Herras nga suwayan ang kontrabida role sa sunod niya nga proyekto sa GMA-7. Katapusang serye niya mao ang The Cure nga nahuman na kagabii. “Dun tayo sa kontrabida, para mas masarap laruin yung character,” suma pa niya.
Nakakita na gyud
Nahimamat ni Coco Martin ang half-sister ni Yassi Pressman sa pagtikang nila sa London dili pa lang dugay. Nalipay ang igsuon ni Yassi gumikan kay nakakita na gyud siya sa personal sa usa sa mga sikat kaayo nga aktor karong panahona.
Suportado sa ex
Todo promote si Bea Alonzo sa pelikulang Kusina Kings. Pagpakita kini og suporta sa iyang ex-boyfriend nga si Zanjoe Marudo nga usa sa mga bida sa maong pelikula. Kahinumdoman nga nitambong si Bea sa premiere night sa maong lilas.