Si Marc Felix maoy gihulip sa role nga pagadalhon unta ni Daniel Padilla sa Marawi movie nga Children of the Lake. Nasayran nga na-busy si Daniel sa ubang proyekto hinungdan nga maglisod siya og dawat niini. Si Joyce Bernal ang direktor sa maong pelikula.
Fan ni Iza
Usa si Iza Calzado sa giidolo nga aktres ni Glaiza de Castro. Suma pa niya nga bilib gyud siya ni Iza sa higayon nga moarte na kini atubangan sa kamera gumikan kay natural kaayo kini.
Pakilig lang
Sweet kaayo sila si Coco Martin ug Yassi Pressman atol sa ilang bonding moments sa Mayfield Lavander Farm didto sa London. Apan kasagaran sa ilang mga kritiko nilenggua nga kabahin lang kini sa ilang trabaho nga mopakilig sa ilang fans ilabi na nga nagpares sila sa seryeng Ang Probinsyano.
Empoy mihilak
Emosyonal ang komedyanteng aktor nga si Empoy sa iyang paglugwa kagahapon sa Magandang Buhay. Natandog si Empoy sa dihang gipasalamatan siya sa iyang mga igsuon tungod sa dakong natabang niini sa iyang pamilya. Nasayran nga dili dalo si Empoy ug kanunay gyud kini naghatag og suporta sa iyang pamilya.
Dili gyud
Gibutyag ni Robin Padilla nga wala gyud masulod sa iyang hunahuna nga mosulod sa politika bisan pa man sa iyang kaaktibo sa pagtabang sa iyang isigkatawo. 'Hindi ako para dun,” hirit pa sa aktor.
Kris nanalipod kang Erich
Gipanalipdan ni Kris Aquino ang aktres nga si Erich Gonzales kinsa gitawag sa iyang basher og “user”. Suma pa ni Kris nga usa ka maayong tawo si Erich ug dili kini angayan tawgon og dili maayong pulong.
Mobalik na
Gipaabot nga mobalik na sunod adlaw si Baste sa noontime show nga Eat Bulaga. Nalandig sa tambalanan si Baste ug ang iyang igsuon nga si Samsam tungod sa dengue. Matud pa nga gimingaw na pag-ayo kang Baste ang suking viewers sa Eat Bulaga.
Gastohan gyud
Niulbo karon ang tsika nga matud pa gastohan gyud og todo ni Coco Martin ang pelikula nila ni Vic Sotto nga Popoy En Jack: The Puliscredibles. Mao kini ang iyang pambato sa 2018 Metro Manila Film Festival.
Magpa-sexy gihapon
Tsika pa sa kanhi Viva Hot Babes member nga si Jennifer Lee nga modawat gihapon siya og mga sexy project. Nalakip karon si Jennifer sa pelikulang Maria. Magsilbi niya kini nga comeback project human nipahuway sa showbiz sulod sa taas nga katuigan.