Nag-uros uros ang ka sweet nila ni Iñigo Pascual ug Maris Racal kon basehan ang ilang mga hulagway sa Instagram. Wala pa gyud mohatag og katin-awan ang duha sa tinud-anay nila nga istado. Dili hinuon magpugong-pugong si Iñigo sa pag-ingon og “ I love you” ngadto kang Maris.
Kinsa sa duha?
Nanghugyaw si Sharon Cuneta ngadto sa iyang Instagram followers pinaagi sa pangutana kon kinsa ang ilang gusto nga iyang makapares sa iyang upcoming movie sa Star Cinema. Ang pilianan mao sila si Richard Gomez ug Robin Padilla. Puros kanhi hinigugma ni Sharon ang nahisgotan nga mga aktor.
Suwerte ang career
Dili na gyud mabangbang ang mga raket sa TNT Boys nga sila si Francis Concepcion, Mackie Empuerto, ug Kiefer Sanchez. Sila usab ang napilian aron mahimong special guests sa anniversary concert sa Aegis.
Maja na gud na!
Trending ang video ni Maja Salvador nga kuha sa iyang latest performance sa ASAP. Nidayeg sa iyang pagsayaw mao sila si Maris Racal, Aiko Melendez, Pia Wurtzbach, ug Morissette Amon. Matud pa nila nga dili gyud basta-basta ang abilidad ni Maja sa pagsayaw.
Kumpirmado na
Gikumpirmar sa kampo ni Ellen Adarna nga nanganak na gyud ang aktres ug mao kini ang rason nga maglisod pa kini og tambong sa mga hearing sa giatubang nga kaso niini. Kahinumdoman nga gipasakaan og kasong child abuse si Ellen sa mga ginikanan sa teenager nga matud pa ginganlan sa aktres og paparrazi.
Pasok sa serye sa Joshlia
Malakip si Iza Calzado sa upcoming series sa ABS-CBN nga pagabidahan nila ni Joshua Garcia ug Julia Barretto.Usa kini sa gipangandaman niya og maayo ug dili pa niya mahimong isulti ang working title niini.
Target ni Kris
Gawas kang Alden Richards, target usab ni Kris Aquino nga makatrabaho puhon ang ubang Kapuso stars nga sila si Maine Mendoza, Willie Revillame, Dennis Trillo, ug Gabby Concepcion. Wala pa’y direktang tubag si Kris sa pangutana kanus-a siya mobalik sa telebisyon.
Rhian single na
Nagbuwag na sila si Rhian Ramos ug negosyante nga si Jason Choachuy. Niabot og kapin sa tulo ka tuig ang ilang relasyon. Wala gidetalye sa aktres ang rason sa ilang breakup.
Saba diha Coco
Gikataw-an lang si Coco Martin sa pipila ka netizens kalabot sa iyang statement nga trabaho ang iyang prayoridad karon hinungdan nga wala siya’y lovelife. Pipila ka netizens ang ni-react gumikan kay matud pa, hagbay ra nga nikisaw ang balita nga duna sila’y tinagoang relasyon ni Julia Montes.
Todo training
Nagsagunson gyud ang mga training ni Angel Locsin alang sa iyang mga eksena sa seryeng The General’s Daughter. Ni-post si Angel sa Instagram og video clip nga naa siya sa firing range.