CEBU, Philippines — Gituman ni Enchong Dee ang iyang panaad sa iyang kaugalingon nga mag-inusara siya nga mobyahe kun aduna na gyud siya’y igo nga kwarta nga panggasto. Matud pa tungod sa iyang pagbyahe, daghan siya og nakutlo nga mga pagtulun-an. “Traveling gives me so more education than just reading a book or attending a class. It gives you more understanding in humanity, in culture, religion, and so on,” suma pa ni Enchong.
Positibong Epekto
Gisaysay ni Andi Eigenmann nga adunay positibo nga epekto ang nahitabo sa iyang kinabuhi sukad nga nakahukom siya nga manimuyo sa Baler bisan og gibabagan siya sa iyang inahan nga si Jaclyn Jose. "It really takes away the bad vibes sa dami ng pinagdaanan ko and right now masaya na ako, I found a place where I feel I belong”, suma pa ni Andi.
Banhawon Ang Career
Andam nga banhawon ni Korean TV Host nga si Grace Lee ang iyang showbiz career. Ingon nga kasamtangang mipahuway si Grace tungod kay mitutok kini sa mga gidumala nga mga negosyo. Niadtong bag-uhay lang, mipirma na og kontrata si Grace sa Viva aron hingpit nga tutukan pagbalik ang iyang hosting career ug idiskubre sab ang iyang ubang talento. Dako ang pagsalig ni Grace nga ampingan siya sa Viva.
Tutukan Ang Musika
Target ni Elmo Magalona nga tutukan na ang paggama og mga kanta. Karon nga natapos na ang ka-busy sa iyang schedule sa pag-promote sa pelikula nga iyang gilakipan nga “Walwal”, andam siya nga ibubo ang iyang oras ug atensyon sa paggama og mga kanta nga puhon ilakip niya sa iyang album.
Dakong Hagit Ni Maine
Alang kang Maine Mendoza nga usa sa dakong hagit isip usa ka artista mao ipressure sa usa ka butang diin adunay mga gikinahanglan nga buhaton ug aduna usa’y angay nga likayan. Matud pa ni Maine nga sa matag adlaw niya nga pagsulod sa trabaho isip usa ka host sa Eat Bulaga, adunay higayon nga butangan na niya og limitasyon ang iyang paghatag og kalingawan aron dili maabot sa punto nga makapanakit siya og pagbati sa mga kadabarkads.
Cancer-Free
Gibutyag ni Gary Valenciano nga luwas na siya sa sakit nga cancer. Suma pa ni Gary nga human sa iyang operasyon sa kasingkasing niadtong Mayo, nadiskubrehan sa mga doktor nga adunay malignant tumor sa iyang kidney. Dugang pa niya nga dali ra kini nga nakuha nga wala gipaagi og chemotherapy. “They say I have the heart of a strong 25-year-old. And when they saw the tumor in my kidney and were able to take it all out without any need for chemo? Well, we all agree: this is the work of the Lord, and nothing else. I am blessed," suma pa ni Gary.
Dili Sudlon Ang Politika
Wala gyuy plano si Robin Padilla nga sudlon ang kalibutan sa politika. Matud pa ni Robin nga mahimo niya nga motabang sa iyang isig ka tawo nga walay bisan unsa nga posisyon sa gobyerno. “Hindi ako tatakbo. Ang liit ng suweldo ng Senador. Ako’y nagpapaaral ng mga anak ko sa ibang bansa. Ang daming umaasa sa akin. Meron po akong mga foundation na sinusuportahan”, suma pa ni Robin.
Dili Magsalig
Giangkon ni Wilma Doesnt nga dili lalim ang mobuhi sa iyang tulo ka anak. Usa ka single mom si Wilma karon ug matud pa buhaton niya tanan nga mapadako niya ang iyang mga anak nga dili magsalig sa mga amahan niini.
Darren, Moarte Na
Natuman na gyud ang pangandoy ni Darren Espanto nga masuwayan ang pag-arte atubangan sa kamera. Gani, lakip siya sa pelikula nga bidahan sa iyang crush nga si Kathryn Bernardo nga The Hows of Us. Magsilbi siya nga igsuon ni Kathryn sa maong pelikula.
Paningkamutan Ni Zeus
Gusto gyud nga tutukan ni Zeus Collins ang iyang trabaho sa showbiz gumikan kay matud pa niya dili siya gusto nga mawad-an og trabaho karon nga dili pa kaayo tanto nga humot ang iyang pangalan sa industriya. Dugang pa ni Zeus nga paningkamutan niya nga molungtad siya sa trabaho aron sab aduna siyay ikasuporta sa iyang pamilya. “Ako, naranasan ko talaga kung papaano maghirap, eh. Hindi puwedeng hindi ako magtatrabaho. Kailangan kong magtrabaho para sa kanila,” suma pa ni Zeus.