CEBU, Philippines — Ang University of Cebu (UC) chess team mikulit og kasaysayan human gipakyaw og daog ang walo ka gold medals sa 2024 Cebu City Olympics didto sa SM Seaside City.
Sila si Maria Kristine Lavandero, Symon Luke Lozada, Adina Vera Kwan, ug Eujan Jessej Gestopa milangkat og individual golds sa tagsa-taga nila ka mga kategoriya.
Si Lavandero midugang og bulawang medalya sa secondary girls team event uban si Janine Glydel Rodrigo.
Mao sab ang nahimo ni Lozada sa secondary boys team competition uban si Draker Lester Basaca ingon man sila si Kwan uban ni Danika Rose Dakay sa elementary girls ug Gestopa uban ni Ian Martin Caylan sa elementary boys division.
Ang mga batan-on apan masaaron nga UC chess players ubos sa paggiya ni coach International Master Kim Steven Yap sa Cebu School of Chess.
Tungod sa ilang kalamposan, nakaangkon sila og katungod nga morepresenta sa dakbayan sa Sugbo sa Central Visayas Regional Athletic Association (CVIRAA) Meet sunod tuig.