CEBU, Philippines — Ang PBA miawhag ni NorthPort Batang Pier guard John Amores nga pasabton ang liga kabahin sa kon unsa gyud ang tinuoray nga nahitabo atol sa insidente sa pagpamusil diin siya nalambigit didto sa Laguna ning bag-ohay pa lamang.
Si Amores nasentro na sab sa dili maayong balita sa dihang nalambigit siya sa nahitabong pagpamusil niadtong Septimebre 25 human sa usa ka away atol sa usa ka duwa.
Nakit-an siya sa CCTV nga mipabuto sa iyang armas ngadto sa usa ka inbibidwal nga nailhan nga si Lee Calcada didto sa Barangay Maytalang Uno.
Walay naangol sa maong insidente.
Sa dihang nahinabi sa Radyo Pilipinas 2, si PBA Commissioner Willie Marcial nagkanayon nga iya nang naka-estorya si Amores. Si Marcial nagkanayon nga si Flores mipasabot kaniya kon unsay nahitabo apan dili na siya mosulti pa og dugang detalye gumikan kay nasang-at naman ang kaso sa korte.
“Pero binigyan namin siya ng letter from our legal and again ng NorthPort, kay Governor Erick Arejola to explain. May mga tanong kami. Due process kami, ano bang dapat gawin sa iyo?” matud pa ni Marcial.
“Tapos kapag nabigay sa amin within five days, na-explain sa amin sa mga tanong namin, saka kami magmi-meeting, magde-decide kung ano yung dapat gawin kay Amores,” dugang pa ni Marcial.
Si Amores ug ang iyang gisoon napasakaan na og kasong attempted homicide. Nakaangkon hinoon og sila og temporaryong kagawasan human nakapiyansa.