CEBU, Philippines — Usa sa ka bongga ug makalingaw nga aksiyon sa korte ang mobalik sa raynang dakbayan sa habagatan nunot sa pagpahigayon sa Sinulog Cup 2024 Basketball Tournament karong Enero 23-27 didto sa Cebu City Sports Institute (CCSI) gym sa Barangay Sawang Calero.
Sila si Cebu City Councilor Dondon Hontiveros, league commissioner Atty. Jave Mike Aton, ug Sinulog Foundation, Inc. (SFI) Executive Director Elmer "Jojo" Labella maoy nangu sa pormal nga paglusad sa maong kalihukan kagahapon didto sa Mayor's Office conference room sa City Hall.
Usa ka maanindot nga kombinasyon sa mga kanhi collegiate standouts ug PBA players nga gikatag sa unom ka commercial teams nga gipangulohan sa defending champion EGS ni sports patron Wilson Bas Villanueva ang mopakita'g aksiyon sa lima ka adlaw nga torneyo nga modalit og kapin sa P300,000 nga ganting salapi sa mga manaog. Mangu sa EGS ni coach Edsel Say Vallena sa pagdepensa sa ilang titulo mao sila si Jojo Tangkay, JC Escalona, Justine Dacalos, Mike Parilla, Joseph Cabahug Kevin Villafranca, James Ferraren, ugd King Orcullo.
Ang EGS anaa sa Bracket A kauban a ng Team Khalifa sa Tacloban City didto sa Leyte ug United Negros Basketball League (UNBL) sa Bacolod City.
Mowadwad uban sa Team Khalifa ang duha ka kanhi MVP sa CESAFI nga sila si Jaybie Mantilla ug Jiesel Tarossa kauban silang Dyl Roncal, Reeve Ugsang, Joel Lee Yu, Revrev Diputado, Matt Flores, Raymart Escobido, Julius Cadavis, ug Barkley Ebo a.
Magbangga sa Bracket B ang Chase Tower Runs ni Chase Cokaliong, OCCCI-Ormoc Sheermasters, ug Znars Jewerly nga gipanag-iya ni Al-asis Mayaman Macalandong sa Marawi City, Lanao del Sur.
Gawas ni Hontiveros, ang Chase Tower Runs ni coach Paul Joven moparada sab nialng Shane Menina, Jerome Napao, Michael Gastador, Rendell Senining, Raymark Alcuno, Mac Racho, Fletcher Galvez, Froiland Mangubat, Mark Abadia, ug Edrian Lao.
Wala sab magpa-alkansi ang OCCCI-Ormoc Sheermasters ni coach John Carlo Sano nga gibitoonan nilang Jancork Cabahug, Joshua De la Cerna, Ted Saga, Ivan Maata, Raul Gentallan, Bernie Bregondo, Jimpaul Amistoso, Jim Taala, Joshua Yerro, ug Christian Bola o.
Gawas nilang De la Cerna, Bregondo, ug Taala, ang tanang pambato sa OCCCI mga kanhi kampiyon uban sa University of the Visayas (UV) Green Lancers. Ang Znars Jewelry, ubos sa paggiya ni multi-titled coach Chelito Caro, angay sab nga bantayan tungod sa dili kabintahaan niining lineup nga gilangkoban nilang John Abad, Rino Berame, JR Qui ahan, Vincent Minguito, Gileant Delator, Tansiong Bonganciso, Lugie Cuyos, Manny Gabas, Melvin Butohan, ug Jayson Balabag.
Mobanat sab sa kulbahinam nga kompetisyon ang top 2 college teams sa Sinulog Cup qualifying round nga determina pa samtang sa pagsulat ning taho kagabii.
Makigharong sila batok sa commercial teams ubos sa single round robin format diin ang top 2 matag bracket mo-abante sa crossover semifinals. Ang mga mananaog magsangka dayon sa tinagakay nga duwa alang sa titulo
Ang makampiyon mobulsa og P150,000. Ang mopahiluna sa ikaduhang dapit makadawat og P100,000, samtang ang malandig sa ikatulo ug ikaupat nga puwesto mokubra og P50,000 ug P25,000.