Kampiyon nga dunay kasingkasing Lancers misabwag og gugma sa labing nanginahanglan

CEBU, Philippines — Haum kaayo ning panahon sa Pasko, ang University of the Visayas (UV) Green Lancers misabwag og gugma ug kaluoy ngadto sa labing nanginahanglan duha ka adlaw human sa malampuson nilang pagdepensa sa ilang trono sa college division sa 23rd Cebu Schools Athletic Foundation, Inc. (CESAFI) basketball season

Bisan gani ang dautan nga panahon tungod sa bagyong Kabayan niadtong Lunes wala makapugong sa Lancers pagbisita ug ingon man pagpanghatag og ayuda sa Missionaries of the Poor-Little Lambs Center (LILAC) didto sa Barangay Sawang Calero, dakbayan sa Sugbo.

Gipangulohan ni UV Athletic Director Dr. Chris Mejarito ug head coach Gary Cortes, ang Lancers mitunol og lima ka sakong bugas sa maong dangpanan nga institusyon nga nagsimbolo sa lima ka korona nga ilang nadaog sud sa pito ka sagunson nilang pagtaak sa finals sukad niadtong 2015.

Nagapud-apud sab sila og mga pagkaon ug gamit nga gikihananglan og maayo sa mga sinagop sa LILAC ug ingon man gidonar ang tanan nilang vouchers gikan sa Chooks-to-Go nga kabahin sa ilang pahalipay sa pagdaog nila sa kampiyonato.

"It s our way of giving back to the community and our social responsibility most especially for the physically and mentally challenged children who are in this home. We are so grateful as Visayanians to share the blessings and graces received for the less fortunate individuals during this Christmas time," matud pa ni Mejarito. "Also, it s our way of saying thank you from the UV Green Lancers family headed by our ever supportive team manager Digul Gullas."